Vanuatu Sports Journalist wetem Oceania National Olympik Commetti,ONOC President Doctor Robin Mitchelle long VASANOC bod room afta long mitting bitwin ONOC,VASANOC mo Sports Journalist..Photo credit: Albert N
Vanuatu i kat long fastaem wan lida o kodineta long krup blong ol spots ripota long Vanuatu mo hemi Moses Stevens, afta wei ol sports ripota oli kam tugeta yestedei blong jusum hem, blong kodinetem grup ia.
Long yestedei, ol sports ripota i putum Samuel Taffo i kam vaes blong hem mo sekretari hemi Katty Simon.
Wok blong olgeta i blong karem vois blong ol spots jonalis i ko insaed long bigfala bodi blong Media Blong Vanuatu (MAV), semtaem lukluk long ol opportuniti blong ol trening blong spots ripota we oli pas tru long MAV mo ol nara isiu konsenem ol sports ripota long Vanuatu.
Grup ia i fom las wik vinis, be long yestedei nao oli kam blong fomalaesem mo hemia i follem nomo ol diskasen wei i tekem place bitwin ONOC, ol sports ripota mo VASANOC, tru long ol toktok wei Pasifik Aelan Nius Asosiesen (PINA) i bin mekem wetem ONOC.
Long yestedei tu, ol spots ripota i jusum, James Walau, Albert Nango, Witnol Benko mo Remo Nasse long komiti blong social activity blong grup ia.
Emia emi festaim blong ol spots journalis i kam tugeta blong serem ol tingting tugeta olsem.
ICT4Football 